G2532–καί–kai

And it was don in tho daies, Jhesus cam fro Nazareth of Galilee, and was baptisid of Joon in Jordan.

Καὶ Kai “And”καὶ kai “and”

And anoon he wente up of the watir, and saye heuenes opened, and the Hooli Goost comynge doun as a culuer, and dwellynge in hym.

καὶ kai “And”καὶ kai “and”

And a vois was maad fro heuenes, Thou art my loued sone, in thee Y am plesid.

καὶ kai “And”

And anoon the Spirit puttide hym forth in to deseert.

Καὶ Kai “And”

And he was in deseert fourti daies and fourti nyytis, and was temptid of Sathanas, and he was with beestis, and aungels mynystriden to hym.

καὶ kai “And”καὶ kai “And”καὶ kai “and”

But aftir that Joon was takun, Jhesus cam in to Galilee, and prechide the gospel of the kyngdoom of God,

Καὶ Kai “and”

and seide, That the tyme is fulfillid, and the kyngdoom of God schal come nyy; do ye penaunce, and bileue ye to the gospel.

καὶ kai “and”καὶ kai “and”καὶ kai “and”

And as he passide bisidis the see of Galilee, he say Symount, and Andrew, his brother, castynge her nettis in to the see; for thei weren fisscheris.

Καὶ Kai “And”καὶ kai “and”

And Jhesus seide to hem, Come ye aftir me; Y schal make you to be maad fisscheris of men.

καὶ kai “And”καὶ kai “and”

And anoon thei leften the nettis, and sueden hym.

καὶ kai “And”

And he yede forth fro thennus a litil, and siy James of Zebedee, and Joon, his brother, in a boot makynge nettis.

Καὶ Kai “And”καὶ kai “and”καὶ kai “and”

And anoon he clepide hem; and thei leften Zebedee, her fadir, in the boot with hiryd seruauntis, and thei suweden hym.

καὶ kai “And”καὶ kai “and”

And thei entriden in to Capharnaum, and anoon in the sabatys he yede in to a synagoge, and tauyte hem.

Καὶ Kai “And”καὶ kai “and”

And thei wondriden on his teching; for he tauyte hem, as he that hadde power, and not as scribis.

καὶ kai “And”καὶ kai “and”

And in the synagoge of hem was a man in an vnclene spirit, and he criede out,

Καὶ Kai “And”καὶ kai “and”

and seide, What to vs and to thee, thou Jhesu of Nazareth? hast thou come to distrie vs? Y woot that thou art the hooli of God.

καὶ kai “and”

And Jhesus thretenede hym, and seide, Wex doumbe, and go out of the man.

καὶ kai “And”καὶ kai “and”

And the vnclene spirit debreidynge hym, and criynge with greet vois, wente out fro hym.

καὶ kai “And”καὶ kai “and”

And alle men wondriden, so that thei souyten with ynne hem silf, and seiden, What thing is this? what newe doctrine is this? for in power he comaundith to vnclene spiritis, and thei obeyen to hym.

καὶ kai “And”καὶ kai “even”καὶ kai “and”

And the fame of hym wente forth anoon in to al the cuntree of Galilee.

Καὶ Kai “And”

And anoon thei yeden out of the synagoge, and camen into the hous of Symount and of Andrewe, with James and Joon.

Καὶ Kai “And”καὶ kai “and”καὶ kai “and”

And the modir of Symountis wijf lay sijk in fyueris; and anoon thei seien to hym of hyr.

καὶ kai “And”

And he cam nyy, and areride hir, and whanne he hadde take hir hoond, anoon the feuer lefte hir, and sche seruede hem.

καὶ kai “And”καὶ kai “And”καὶ kai “and”

But whanne the euentid was come, and the sonne was gon doun, thei brouyten to hym alle that weren of male ese, and hem that hadden fendis.

καὶ kai “and”

And al the citee was gaderid at the yate.

καὶ kai “And”